ҚР Парламенті Мәжілісінің депутаттығына кандидат Амантай Жарқынбек және астаналық әріптестері Ерлан Саиров пен Мұрат Теміржанов үгіт-насихат жұмыстары аясында Ақсу қаласындағы бірқатар нысандарды аралады.

Үміткерлер мен олардың сенімді өкілдері Ақсу ферроқорытпа зауытының филиалы «КазХром» ТНК АҚ, сонымен қатар «ЕЭК» АҚ мен «ERG-service» ЖШС жұмысшы ұжымдарымен кездесіп, сайлауалды бағдарламаларын таныстырды.

- Қазір елімізде жан-жақты саяси, экономикалық реформа жүріп жатыр. Бұл сайлау жігерлі жастарды мінберге шығаруға мүмкіндік береді. Сол арқылы елде оң өзгеріс болады - деді Ерлан Саиров.

Бұдан кейін партия өкілдері мәдениет мекемесінде ақсулық азаматтармен жолығып, өтініш, тілектерін тыңдады. Өз кезегінде қала тұрғындары жаңа қазандықтың іске қосылуы жайында сөз қозғады. 

- Энергетика саласындағы мәселелерді шешу негізгі бағыттарымыздың бірі - дейді Амантай Жарқынбек. Сіздердің әрбіс ұсыныстарыңыз біздер үшін аса маңызды. Біздің сайлауалды бағдарламамыз да осы өтініштердің негізінде құралған болатын. Олардың орындалуы үшін бар күшімізді саламыз.

Айта кетерлігі, Ақсу қаласының тұрғындары кандидаттармен кездесу барысында көшелерді жөндеу, қаңғыбас иттерге бөлек орталық салу, жеке меншік секторға орталықтандырылған жылу құбырын тарту сияқты әлеуметтік маңызды мәселелерді тілге тиек етті. 

ҚР Парламенті Мәжілісінің депутаттығына кандидат Ж. Амантайдың сайлау қорының қаражатынан төленді

Фотосурет: Виктор Рябов